Quran Me Imaan-e-Hazrat Abu Talib Alaihissalam

Allah ne Gawahi di Hazrat-e-Abu Talib ke Imaan ki!

Allah Ta\u2019ala jab kisi chiz ki Kasam khata hai ya kisi chiz ki badhayi bayan farmata hai ya kisi chiz ko Apni Taraf mansoob karta hai to yaqinan wo shaye/chiz badi baa-Azmat hoti hai. Isliye Allah Ta\u2019ala kisi kafir ki ya kisi kafir se judi chiz ki kasam nahi khata kyunki kufr aur usse judi chize galazat hain. Magar jiski Tarif ya jisko Acha Khud Rabb-e-Kainat kahe, uski Azmat ka andaza bhi nahi lagaya jasakta aur wo chiz Paak hoti hai aur Usse jude log bhi Paak hote hain.

Allah Ta\u2019ala Surah Duha Aayat 6 me farmata hai:

"Alam Yajidka Yatiman Fa' Aawa")

\u201c(Ay Habib!) Kya Usne Aapko Yateem Nahi Paaya fir Usne Aapko (Muazzaz wa Mukarram) Thikana Diya.\u201c

Sab jaante hain aur har kitab me maujud hai ke jab Aaqa SallAllahu Alaihi wa Aalihi wa Sallam ki Ammijaan Sayyeda Bibi Aamina Salamullahi Alaiha aur Aapke Dadajaan Sayyeduna Abdul Muttalib Alaihissalam ka Wisaal hua to Aap SallAllahu Alaihi wa Aalihi wa Sallam ki Umr-e-Pak kum thi aur tabse lekar Jawani Mubarak aur Sayyeda Bibi Khadijatul Kubra Salamullahi Alaiha se Shaadi hone tak Allah ke Habib SallAllahu Alaihi wa Aalihi wa Sallam Sayyeduna Abu Talib Alaihissalam ke Ghar me rahe! Usi Gharme Aap Khaate, Usi Ghar me Aap Sote! To Allah Ta\u2019ala Jis Ghar ko Apne Quran me Apni Taraf Mansoob kare ke \u201cAy Habib Hamne Aapko Kya Khoob Thikana Diya\u201d, kya wo ghar kisi kafir ka ghar hosakta hai? Agar kafir ka ghar hai to kehna padega ke Allah Ta\u2019ala ne ek kafr ke ghar ko Apni taraf mansoob kiya, maazAllah Astagfirullah. Aur agar jawab ye hai ke nahi wo Islam aur Imaan wala he Ghar tha to fir sunlo wo Ghar Hazrat Abu Talib ka tha ! RadiAllahu Ta\u2019ala Anhu wa Alaihisalam! Kya Allah Ta\u2019ala Apne Sabse Muazzaz Rasool ko kufr ki haram gizaye khilata? Ye Ghar Allah ka intezam hai to us Ghar ki har chiz Paak hai , to jo Ghar Paak hai Us Ghar ke log napak kaise hue? So Quran se sabit hogaya Imaan-e-Hazrat Abu Talib Alaihissalam!

Ab Sayyeduna Abu Talib Alaihissalam ke Imaan ka inkar karna ho to Allah ke Quran se ye Aayat nikaal do.

Photo in High Resolution: https://archive.org/details/QuranaurHazratAbuTalibAlaihissalam